28 dekabr tarixində Matəm günü ilə əlaqədar Səfirlikdə başsağlığı kitabı açılıb.
Cari ilin 28 dekabr tarixində, “Vahid Milli Hərəkat” siyasi pasrtiyasının sədri Tinatin Bokuçava və onu müşayiət edən partiya rəsmiləri, “Qaxariya-Gürcüstan naminə” siyasi partiyasının rəhbərliyi və partiyanın üzvləri, iş adamları, mətbuat nümayəndələri, 25 dekabr 2024-cü il tarixdə “Azərbaycan Hava Yolları” (AZAL) şirkətinə məxsus sərnişin təyyarəsinin qəzaya uğraması nəticəsində çoxsaylı insan tələfatı ilə əlaqədar ölkəmizdə elan edilmiş matəm səbəbilə Azərbaycan Respublikasının Gürcüstandakı Səfirliyini ziyarət edərək başsağlığı vermiş və Səfirlikdə açılmış başsağlığı kitabında ürək sözlərini qeyd etmişdir.
Eyni zamanda, Səfirlikdə açılmış başsağlığı kitabında yekun qeydlərin edilməsi məqsədilə, Azərbaycan Respublikasının Gürcüstandakı Fövqəladə və Səlahiyyətli Səfiri Faiq Quliyev və Səfirliyin heyəti də açılmış başsağlığı kitabında ürək sözlərini qeyd etmişdir.
Azərbaycan Respublikasının Gürcüstandakı Səfirliyi olaraq, baş verən bu dəhşətli qəza nəticəsində həlak olan şəxslərə Allahdan rəhmət diləyir, ailələrinə və doğmalarına dərin hüznlə baş sağlığı verir, yaralılara şəfa arzu edirik.