Tbilisidəki Azərbaycan vətəndaşları səfirlikdə yaradılmış məntəqədə səs verirlər

Sentyabrın 26-da yerli vaxtla səhər saat 8.00-da Azərbaycanın Gürcüstandakı səfirliyində Azərbaycan Respublikasının Konstitusiyasına təklif olunan əlavə və dəyişikliklərlə bağlı səsvermə prosesi başlayıb.

Tbilisidə yaşayan, habelə hazırda Gürcüstan ərazisində olan Azərbaycan vətəndaşları, eləcə də bu ölkənin müxtəlif ali məktəblərində təhsil alan tələbələr səfirlikdə təşkil olunmuş seçki məntəqəsinə gələrək səsvermədə iştirak edirlər.

Referendumla əlaqədar ölkəmizin Gürcüstandakı səfirliyində 17 saylı Yasamal 3-cü seçki dairəsinin nəzdində 46 saylı seçki məntəqəsi yaradılıb.

Hazırda səfirlikdə 470 nəfər Azərbaycan vətəndaşı qeydiyyatdadır.